Enlawyer yuridik firmasining hamkor, Ikrom Saipov Toshkent xalqaro moliya markazini tashkil etish masalalariga bag‘ishlangan televizion muhokamada ishtirok etdi

O‘tgan hafta Enlawyer yuridik firmasining hamkori Ikrom Saipov televideniye taklifiga binoan Toshkent xalqaro moliya markazini (TXMM) tashkil etish va uning O‘zbekiston moliya hamda investitsiya bozorini yanada rivojlantirishdagi salohiyatli o‘rniga bag‘ishlangan ekspertlik muhokamasida ishtirok etdi.

Muhokamaning asosiy mavzusi quyidagi savol atrofida bo‘ldi: O‘zbekistonga xalqaro moliya markazi nima uchun kerak va uning tashkil etilishi mamlakat iqtisodiyoti, investorlar hamda biznes uchun qanday imkoniyatlar yaratishi mumkin?

Muhokamada O‘zbekiston Respublikasining tegishli davlat organlari vakillari ham ishtirok etdilar. Ishtirokchilar TXMMni tashkil etish konsepsiyasi, uning xorijiy investitsiyalarni jalb qilish, moliya bozorini rivojlantirish hamda xalqaro biznes uchun zamonaviy huquqiy va institutsional infratuzilmani shakllantirishdagi kutilayotgan roli bilan bog‘liq asosiy masalalarni ko‘rib chiqdilar.

Muhokama davomida xalqaro investorlar va moliya institutlari faoliyati uchun prognoz qilinadigan va raqobatbardosh huquqiy muhitning ahamiyatiga alohida e’tibor qaratildi. Xalqaro moliya markazining tashkil etilishi O‘zbekistonning global moliya bozorlariga yanada integratsiyalashuvining muhim elementi bo‘lishi hamda yangi moliyaviy instrumentlar, xalqaro moliyalashtirish, investitsiya bitimlari va transchegaraviy loyihalarning rivojlanishiga ko‘maklashishi mumkin.

TXMMning huquqiy va tartibga solish arxitekturasini shakllantirish masalasi alohida ahamiyatga ega. Xalqaro tajriba shuni ko‘rsatadiki, bunday moliya markazlarining raqobatbardoshligi nafaqat soliq yoki ma’muriy imtiyozlarga, balki tartibga solish sifati, nizolarni samarali hal etish mexanizmlari, investorlar huquqlarining himoyasi, biznes yuritish qoidalarining shaffofligi hamda xalqaro moliya hamjamiyatining ishonchiga ham bog‘liq.

O‘zbekiston uchun TXMMni tashkil etish mamlakatning investitsiyaviy jozibadorligini oshirish, kapital bozori va moliyaviy xizmatlarni rivojlantirish, shuningdek xalqaro banklar, investitsiya fondlari, moliya institutlari va texnologik kompaniyalar uchun qo‘shimcha imkoniyatlar yaratishga qaratilgan islohotlarning navbatdagi muhim bosqichiga aylanishi mumkin.

Enlawyer vakillarining bunday ekspertlik muhokamalarida ishtirok etishi O‘zbekistonning investitsiya va moliya qonunchiligini rivojlantirish masalalari bo‘yicha olib borayotgan ishlarimizning bir qismidir. Firma jamoasi huquqiy muhitni takomillashtirish va mamlakatning investitsiyaviy salohiyatini yanada rivojlantirish masalalarida biznes, investorlar va davlat institutlari bilan professional muloqotda faol ishtirok etishda davom etmoqda.

Enlawyer Law Firm O‘zbekistonda xorijiy investorlar, xalqaro moliya institutlari va kompaniyalarga bank va moliya huquqi, investitsiyalar, korporativ bitimlar, loyiha moliyalashtirishi hamda transchegaraviy loyihalarni amalga oshirish masalalari bo‘yicha yuridik maslahat beradi.