Enlawyer yuridik firmasi BeNeLux Chamber of Commerce Uzbekistan a’zosiga aylandi

Enlawyer yuridik firmasi rasmiy ravishda BeNeLux Chamber of Commerce Uzbekistan a’zoligiga qabul qilindi. Mazkur Palata Belgiya, Niderlandiya, Lyuksemburg va O‘zbekiston kompaniyalari hamda investorlarini birlashtiradi.

Ushbu a’zolik kompaniyaning xalqaro faoliyatini yanada rivojlantirish yo‘lidagi muhim qadam bo‘lib, Yevropa biznes hamjamiyati, xorijiy investorlar va Benilyuks mintaqasidagi ishbilarmon doiralar bilan hamkorlikni kengaytirish uchun yangi imkoniyatlar yaratadi.

Enlawyer yuridik firmasi  O‘zbekistonda xorijiy investitsiyalarni huquqiy qo‘llab-quvvatlash, korporativ va tijorat huquqi, M&A bitimlari, bank va moliya huquqi, davlat-xususiy sheriklik (PPP), infratuzilma loyihalari, IT va FinTech, sanksiyalar bo‘yicha komplayens hamda nizolarni hal etish yo‘nalishlarida kompleks yuridik xizmatlar ko‘rsatadi. Firma xalqaro kompaniyalar, investorlar va investitsiya fondlariga O‘zbekiston bozorida faoliyat yuritish jarayonida huquqiy maslahatlar beradi.

BeNeLux Chamber of Commerce Uzbekistan a’zoligi Enlawyer’ga Belgiya, Niderlandiya va Lyuksemburg kompaniyalari hamda investorlar bilan hamkorlikni yanada mustahkamlash, investitsiya loyihalarini rivojlantirish va Benilyuks davlatlari hamda O‘zbekiston o‘rtasidagi biznes aloqalarini kengaytirishga hissa qo‘shish imkonini beradi.

Enlawyer yuridik firmasi BeNeLux Chamber of Commerce Uzbekistan rahbariyatiga bildirilgan ishonch uchun minnatdorlik bildiradi va uzoq muddatli hamda samarali hamkorlikka umid qiladi.

Enlawyer kompaniyasining BeNeLux Chamber of Commerce Uzbekistan a’zoligi haqidagi rasmiy ma’lumot Palataning rasmiy veb-saytida 

e’lon qilingan. Mijozlarimiz, hamkorlarimiz va hamkasblarimizni Enlawyer Palata biznes hamjamiyati a’zosi sifatida kiritilgan Benelux Chamber of Commerce Members Directory bilan quyidagi havola orqali tanishishga taklif qilamiz: https://www.benelux.uz/en/member/members_directory